۔ انڈیا نے پانی چھوڑنے سے صرف ایک دن پہلے اتنا کہا کہ ہم نے ڈیم کھول دئیے ہیں۔ کتنا پانی آئیگا وہ بھی نہیں بتایا۔ لیکن فرض کریں انڈیا ہمیں پانچ دن پہلے بتا دیتا اور پانی کی مقدار بھی بتا دیتا تو بھی پاکستان کے پاس کیا آپشنز تھے؟ کیا ڈیم موجود تھے جن میں ذخیرہ کر لیتے؟ جواب ہے نہیں۔ کیا خشک نہریں موجود تھیں جن میں پانی کا رخ موڑ لیتے؟ جواب ہے نہیں۔ ڈیموں اور خشک نہروں کے خلاف تو حال ہی میں پی ٹی آئی اور پیپلز پارٹی جیسی بڑی سیاسی جماعتوں نے خود مہم چلائی تھی۔ پھر کیا ہم نے دریاؤں کے کنارے تجاؤزات کو روکا ہے سندھ، پنجاب یا خیبرپختونخواہ میں؟ جواب ہے نہیں۔ تینوں صوبوں میں تجاوزات موجود ہیں۔ بلکہ دریائے راوی کے کنارے چھوڑیں، اس کے بیڈ پر ہمارے ایک سابق وزیراعظم عمران خان نے سوسائٹی بنوا لی تھی اور اسکی تشہیر کر کے لوگوں کو پلاٹ لینے کی دعوت بھی دی تھی۔ پھر آخر میں ایک ہی چیز بچتی ہے کہ کیا ہم نے دریاؤں کے کنارے مضبوط حفاظتی پشتے بنائے ہیں۔ پورے دریا پر نہ سہی صرف شہری علاقوں میں۔ جواب ہے نہیں۔ بلکہ لاہور میں عمران خان حکومت راوی کنارے سوسائٹیز سے حف...
۔ خیبرپختونخوا کے اضلاع بونیر اور صوابی میں بارشوں سے جو تباہی ہوئی، اس میں عوام کی مدد کے لیے حسبِ معمول سب سے آگے پاک فوج ہی نظر آئی۔
پاک فوج کی 8 یونٹس اس وقت سرچ اور ریسکیو آپریشن میں مصروف ہیں۔ صرف دو دن میں پاک فوج نے کم و بیش 26 ہزار افراد کو ریسکیو کیا ہے۔ ان آپریشنز میں فوجی ہیلی کاپٹروں کو بھی بڑی تعداد میں استعمال کیا گیا۔
فوج کی انجینئرنگ بٹالینز بھی موقع پر پہنچ چکی ہیں۔ صرف دو دن میں فوجی انجینئرنگ بٹالینز نے تباہ ہونے والے 56 پلوں میں سے 9 اہم ترین پل دوبارہ بنا دیے اور انہیں اس قابل کر دیا کہ ان پر سامانِ رسد متاثرہ لوگوں تک پہنچایا جا سکے، انہیں محفوظ مقامات تک منتقل کیا جا سکے یا زخمی اور بیماروں کو وہاں سے نکال کر اسپتالوں میں پہنچایا جا سکے۔
سامانِ رسد کی بات کریں تو فوج نے اپنا ایک دن کا راشن سیلاب متاثرین میں تقسیم کیا، جو تقریباً 600 ٹن تھا۔
فوج کی میڈیکل یونٹس بھی کام میں مصروف ہیں اور کئی مقامات پر طبی کیمپ قائم کیے گئے ہیں۔ دو دن میں کم و بیش 6000 افراد کو طبی امداد فراہم کی جا چکی ہے۔
افسوسناک امر یہ ہے کہ جب پاک فوج یہ سب کچھ کر رہی تھی تو "فوج کا کام صرف سرحدوں پر ہے" کا نعرہ لگانے والی پی ٹی آئی کی صوبائی حکومت بونیر کے پڑوس میں واقع کوہستان میں جلسہ کر رہی تھی۔ یعنی انہیں اس بات کی کوئی پرواہ نہیں تھی کہ بونیر پر قیامت ٹوٹی ہوئی ہے اور ان لوگوں کی سیکڑوں لاشیں پڑی ہوئی ہیں جنہوں نے انکو ووٹ دیا تھا۔
یہ حقیقت البتہ بونیر کے عوام نے بہت اچھی طرح دیکھی اور جہاں سے فوجی گزرتے ہیں وہاں لوگ "پاک فوج زندہ باد" کے نعرے لگاتے ہیں۔ سوشل میڈیا پر ایک شخص کی ویڈیو وائرل ہے جو حامد میر کو انٹرویو دیتے ہوئے کہتا ہے: "ہمیں کوئی سیاسی جماعت نہیں چاہیے، وہ تو صرف تصویریں کھنچواتی ہیں۔ ہمیں فوج چاہیے، وہی کام کر رہی ہے۔" جوں ہی اس نے فوج کا نام لیا، حامد میر نے مائیک کھینچ لیا۔ حامد میر نے یہ ویڈیو اپنے پروگرام میں بھی شامل نہیں کی، جس پر سوشل میڈیا پر انہیں سخت تنقید کا نشانہ بنایا جا رہا ہے۔
تبصرے
ایک تبصرہ شائع کریں